Pagina:D'Alpaos - Svoladine e refoli, Venezia, Visentini, 1897.pdf/53

Sta pagina la xe stà trascrita, ma la gà ancora da vegner rileta.

ÇERCANDO I ANARCHICI ¹

Alleluja, et... alleluja!...
Fora son de gatabuja....
               Per un miracolo!
Scominzià gaveva apena
De scontar la dura pena
               De sete... brustoli
Che sgnacà m'à 'l Tribunal
Per quel furto colossal
               Al Banco Prestiti!...
Figurève se là drento
Mi podeva star contento!...
               A piè d'un albero,
Mi gaveva, in fondo un orto,
Fato un buso e sconto el morto
               Che ancùo rissusita
Per virtù d'un... stratagema
Proprio degno de un poema
               E de... contàrvelo!

↑ Pubblicata nel giornale umoristico Sior Tonin Bonagrazia.

[1] Pubblicata nel giornale umoristico Sior Tonin Bonagrazia.

1