Al pozzo e a l'aquedoto
Ti preferissi el goto...
Magari al Bàcaro!
Ti meti su la polpa
Andada via per colpa
Del tropo sòfego!...
In conclusion, mi vedo
Che quando torna el fredo
Se stà benissimo!
Torna a fiorir le rose...
Sul viso de le tose
Che gera pàlide!
Par che le gabia el fogo
In torno e in ogni logo...
El più recòndito!
Quando le te aviçina...
Le serve da cusina
Extra-economica!
E le te dà el calor;
Ele t'impizza el cuor,
Le te lo fulmina!
Insoma, se l'inverno
Cussì durasse eterno...
Sarìa un'America
Per quei che la Fortuna
Ga conossudo in cuna...,
Mentre un suplizio
