SE DISE
Se dise che le done le xe tute
Volubili, cative e dispetose;
Che, senza distinzion, e bele e brute,
Le xe fora dei modi capriçiose
E che le xe del Diavolo più astute...,
Teribili, crudeli e sospetose;
Che solo co le dorme le xe mute
E che za, in general, le xe curiose!
Se dise che le ga çerti vizieti...,
E che dei fufignezzi le ga el nio;
Se dise che le ga tanti difeti...,
Ma come xe sto afar..., corpo de bio!...
Che semo tuti quanti cussì dreti
Da còrerghe dì e note sempre a drìo?
