I PROGETTI DI MATRIMONIO
De maridarme m'è saltà el caprizio;
Go diversi partii, ma vòi pensar:
Una vechia farìa da vomitar,
4La zovene sarìa senza giudizio,
La bela piaserà a Sempronio a Tizio,
Con una bruta no me vòi tacar,
Pretenderà una rica comandar,
8Me manda una pitoca in precipizio,
La nobile sarà superba e altiera,
Asena l'ordenaria e l'ignorante,
11E la Dona sapiente una braghiera:
Donca chi ogio da tor tra quele tante
Che proposte me vien? Questa è la vera:
14Vòi mandarle in malora tute quante.
