Pagina:Collezione delle migliori opere scritte in dialetto veneziano 9.djvu/42

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



27Lugr. Per cossa me vegniu donca a parlar
     Fora de tempo, e fora de sason?
     Pasq. Cara vu no me ste a rimproverar.
     Gradì el bon cuor e la bona intenzion.
     Quelo che no s'à fato se pol far.
     El vadagno, fia mia, xe sempre bon.
     La Sposa adesso no podè servir;
     Fursi la servirè per l'avegnir.

28Credeu che quando la sarà sposada
     No la comprerà più merli e stolete?
     Quando la roba xe un tantin fruada,
     Se desfa, se renova e se remete.
     Abiè pazienza, sarè consolada,
     E ghe faremo de le faturete.
     Preghemo Dio che la conserva in ton.
     Lugr. Me despiase aver perso sta ocasion.

29Chec. Oe, tiora mare, la noviza ò vito.
     To bela te la ze! Tì in velità.
     E po anta tior Tantolo m'à dito,
     Te la ze bona, te no ze ne dà.
     Pasq. Lo so anca mì; la sa parlar pulito,
     E 'l retrato la xe de la bontà;
     La ga su quel visin do riose bele,
     E do ochi la ga che par do Stele.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_9.djvu/42&oldid=66786"