In palazzo la caseta
N'à permesso de cambiar;
Che n'à fato amar el lusso
Megio assae ch'el star de bando
In sempiezzi consumando
L'uso belo de rason;
Che galante fin lu stesso
De i so' amori co la lista
De le done la conquista
N'à ridoto a profession.
Senza Giove ancora ignota
Sarìa l'arte d'armonla,
Nè Veluti parerìa
Su le scene un russignol;
No saria paron Canova
Co do bote de scarpelo
A Nature, so modelo,
De rapirghe quel ch'el vol.
Per lu solo in sta tempesta
De pensieri e de bisogni,
Inganandola de sogni,
Xe rinata umanità;
Che rompendo le montagne,
Spaventae dal tibidoi,
Co i so marmi a i nostri eroi
Archi e logie ga inalzà.
Lu xe stà che à messo in voga
Versi curti, versi longhi;
