Pagina:Collezione delle migliori opere scritte in dialetto veneziano 8.djvu/101

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E de darse del ti
     Xe nati de i disordini reali
     Che à messo in confusion tuti i mortali.
     Apena deslatai,
     In libertà lassai,
     Gera i puteli a l'incirca tratai
     Come che trata i gati i so gatini,
     O i gali i pulesini.
     El mario dopo un ano el se stufava
     E a un'altra el se tacava;
     Qualcheduna rugnava,
     Ma dopo un per de dì la baratava,
     E la se consolava,
     E cussì de sta sia
     La vose de natura sepelìa
     Da quel birbo de Amor,
     No ghe gera più cuor
     Molto manco pudor,
     E i poveri puteli,
     Ridoti un ospeal de bastardeli,
     No i pronunziava più,
     Come che tuti fa,
     El nome de la mama e del papà;
Alto là, alto là,
     Giove un zorno ismarà
     À zigà dal'Olimpo: Sta bubana
     Xe un poco tropo per la razza umana;
     Mercurio a tì: va zo de mala pressa,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_8.djvu/101&oldid=55322"