Pagina:Collezione delle migliori opere scritte in dialetto veneziano 6.djvu/31

Da Wikisource
Sta pagina la xe stà trascrita, ma la gà ancora da vegner rileta.

     Che morte? mentì...
     La torna pipì
     Sul rogo impizzà;
     80Le celeghe 'l sa!
Ma in mezzo a sto aplauso
     Che xe general,
     Sospira la tortora,
     Ingenua, leal.
85Se acorze, e smanioso
     Ghe dise 'l so sposo:
     Ti susti, Bibì?
     La invidistu, dì?
     Perchè stastu là
     90Col beco cascà?
Risponde al rimprovero
     La tortora: Oibò!
     Pensava che... (Viscere...
     Invidia? mi no)
     95Che de la so razza
     L'è sola, gramazza!
     Che almanco po mi
     Son sempre co ti!...
     No minga per... Ma...
     100No fala pecà?
Quel merito in isola
     Che spesso invidiè,
     Ve cava le lagreme,
     Se lo esaminè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_6.djvu/31&oldid=69927"