Pagina:Collezione delle migliori opere scritte in dialetto veneziano 5.djvu/39

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E po insoma in tuti i modi
     La Polenta xe 'l mio godi.
Co camino per Venezia,
     E che trovo per le strade
     55Quei che vende Polentina
     A un soldeto a la fetina,
     Che i me diga pur: no cade,
     Che mi spendo el mio boreto,
     La gazeta, e infina el traro,
     60E belbelo, belbeleto
     Me la vago musegando,
     Rosegando a boca sconta
     Cussì calda, cussì onta
     Soto l'ala del tabaro.
65Ola, digo, Comareta,
     No tegnì la boca streta,
     Fe i boconi un fià più grossi,
     Che xa qua no ghe xe ossi;
     Questo è late ben colà,
     70Dove dentro go butà
     El bisogno de farina
     Tamisada fina, fina;
     E po a forza di missiarla,
     De menarla sora el fogo,
     75Come fa ogni bravo cuogo,
     L'ò tirada una rosada,
     E a sculieri l'ò cavada;
     Go butà po su el so zucaro,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/39&oldid=62138"