Terminà che sia el disnar,
Senza gnanca saludar,
Co quei pochi che te piase,
410Andaremo in santa pase,
E al Cafè, a la Cavalchina,
Se starà sin la matina.
Oh che delizia
Xe la Campagna!
415Cussì godendola
Se se sparagna
Qualunque incomodo,
Nè se presenta
La solitudine
420Che ve spaventa!
Ma za sparisse,
Diminuisse
El mondo nobile,
La zente colta:
425Tuti ripatria,
Tuti xe in volta:
Anca Nineta
No sta più quieta,
Che 'l malinconico
430No la dileta;
E donca subito
Se passerà
A le delizie
De la Cità.
