L'ISTÀ CITADIN
Xe i dì eterni, e le note xe tombole,
Dreti i ragi del sol ve percota,
Brusa l'aria, la tera ve scota,
Boge l'acqua in laguna e nel mar.
5No, Tonina, no stago in sto sofego,
Del palco no respiro i vapori,
No resisto a la puzza, ai fetori,
Go bisogno in campagna de andar.
In campagna! che sempio, che pampano,
10Me risponde Tonina la bela,
La to testa, per Dio, dove xela,
O ti è mato, o ti vol deventar.
Qua credè che scomenzi el mio dialogo;
No xe vero; le bele no aspeta,
15No val gnente de dir: la permeta.
Ela sola se mete a parlar:
