Pagina:Collezione delle migliori opere scritte in dialetto veneziano 3.djvu/52

     In mezzo a l'erbe
     A far le brave,
     Pavonizzandose
     Del so color.
14Cari agneleti,
     Scampè nei boschi,
     Cerchè i secreti,
     Cerchè i più foschi,
     Dove no penetri
     Tanto calor.
15Ve serè in massa,
     Sbassè la testa?
     Ma el sol ve passa,
     Ma el sol ve pesta,
     Nel bosco a sconderve,
     Cari, corè.
16Scampè, toreti,
     Del sol el lampo,
     Scampè, cavreti,
     Scampa, Melampo;
     Tramezzo ai alberi,
     Ne l'acque andè.
17Ma l'Istà el fogo
     Col sol radopia
     Per ogni logo,
     Muragia dopia
     No val piu a sconderve,
     Per tuto el vien.