Pagina:Collezione delle migliori opere scritte in dialetto veneziano 3.djvu/46

     E se gh'è fufigne
     Mi no le so.
60Tornerò a vederla,
     Sarò presente
     A l'ora solita,
     Co vien la zente,
     E a l'Academia
     La trovarò.
61Là al lume candido
     De le candele,
     Fra cento cocoli,
     Fra cento bele,
     Tinte più armoniche
     La gaverà.
62E sin che i musici,
     E i Sonadori
     Farà del strepito,
     Su tuti i cuori
     La bela Filide
     Trionferà.
63Tornerò a vederla,
     Brilante in Piazza,
     Rider, spartindoghe
     Una fugazza
     A diese zoveni
     Brasai d'amor;
64Criando estatica:
     Che bela sera!