De ninfe Adriache,
E de galanti
Vedè la camera
Formigolar.
33Ma col so esercito
Filide avanza;
Tuto riceverlo
No pol la stanza,
E 'l più gran numero
Xe a ciel seren.
34Un sito comodo
Trova la bela;
Tuto è silenzio,
La tase anch'ela,
Però giustandose
La testa e 'l sen.
35Le ninfe Adriache
Come le bisse
Sora de Filide,
Se incanta fisse,
E le la esamina
Da capo a piè.
36Sta calma estatica
Vien interota:
De qua se mormora,
Là se barbota,
Chi cria: rosolio,
Chi chiama: tè.
