IL FAGIANO
A una cena formal,
Dove che se se trova ben e mal,
Aveva magnuzzà,
Sbevuchià,
5Chiacolà,
Quando ch'el rosto in tola s'à portà.
Sto rosto l'ò trovà gustoso e bon,
Ma 'l m'à parso Capon,
Non abadando gnente,
10Come se fa a ste cene,
Ch'el gavesse da drio tacae le pene;
Ma quando che una dona,
Che gera de la cena la parona,
Per farme un scherzo, me l'à messe in man
15L'ò cognossue per pene de Fasan.
Alora in tel magnar
Quel rechioto de rosto che restava,
M'à parso de trovar
