Pagina:Collezione delle migliori opere scritte in dialetto veneziano 2.djvu/40

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Anzi in qualunque logo
     Che l'à vudo d'andar
     105La s'à visto ad odiar;
     E ben vedendo de no far più fruto
     In sto mondo rebel,
     L'aveva stabilido
     De tornar suso in Ciel;
     110Ma Giove gh'à ordenà
     Che la stasse pur qua,
     E xe sta apunto alora
     Che sta Dea s'à pensà
     De trovar la maniera
     115De poder esser utile
     Ai fioli de la tera.
     Ma perchè in viso i omeni
     No la volea vardar,
     La se xe andada imbota a imascherar.
     120Ora in forma d'apologo,
     Ora vestia da strolego,
     Da proverbio, da emblema,
     Da fiaba, da poema,
     E in mile forme la s'à visto alfin;
     125Mi no ve digo altro,
     Gh'è chi l'à vista messa d'Arlechin.
     A dir vero in sto modo
     La ga podesto far
     Quel ben ch'ela medesima
     130No la savea sperar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_2.djvu/40&oldid=69782"