Pagina:Collezione delle migliori opere scritte in dialetto veneziano 12.djvu/89

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Ma gnanca esser un etico
     No bramerìa per questo.
     Ò sanità perfeta,
     E vaga el resto.
Teresa mo me tacia
     Che peco in gelosia,
     Ma come xe possibile
     Che un omo vogia ben,
     E indiferente sia
     A quel che vien?
El far da secondario,
     El far da stropabuso,
     Mai no m'à piasso, a dirvela;
     Son facile e indulgente,
     Ma questo lo ricuso;
     O solo, o gnente.
Dise la siora Malgara:
     No se comanda al cuor,
     Ma xe le sole bestie
     Che senza riflession
     Segonda, più che amor,
     La so' passion.
La Nina xe insensibile
     Al mio sincero afeto.
     A letere da scatola,
     Perchè no resta iluso,
     La me l'à dito schieto
     In sul mio muso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/89&oldid=69748"