V. CANZONETTA
Mai più no vogio femene
Tratar in avegnir;
Le ò conossue per pratica,
E tropo delirante
Ò avudo da sofrir
Straniezze tante.
Vedo in ancuo benissimo
Come in amor fortuna
Ghe vol, più assae che meriti;
E i poveri Poeti
Mai no ghe n'à nissuna,
I xe negleti.
Ò fato ogni ppssibile
Per cativarme el cuor
De qualche dona amabile,
Ma sempre fiasco ò fato.
Ergo per far l'amor
Mi no son nato.
Per quanto che m'esamina
No so d'aver pecai.
Sempre costante e ingenuo
Ò conservà el mio afeto,
