Ma la fortuna è instabile;
Nè dura sempre el ben,
E no vorìa che 'l netare
28Cambiasse po in velen.
Temo che ancora l'anima,
Cara Nineta mia,
Come ti vanti, libera
32Del tuto, oimè! no sia;
Temo un amor residuo
De quel che ancuo ti abori,
Perchè a parlar ti esageri
36Co' d'elo ti discori.
Nineta, no te ofender
De sto mio gran sospeto,
Perchè el timor de perderte
40Xe prova del mio afeto;
E quel amor conservime
Che ti me mostri adesso,
Che mì, cara mia cocola,
44Co tì farò l'istesso.
Pagina:Collezione delle migliori opere scritte in dialetto veneziano 12.djvu/83
![](http://upload.wikimedia.org/wikipedia/commons/thumb/7/7b/Collezione_delle_migliori_opere_scritte_in_dialetto_veneziano_12.djvu/page83-1024px-Collezione_delle_migliori_opere_scritte_in_dialetto_veneziano_12.djvu.jpg)