NATURA DI AMORE
Se credesse col tempo d'arivar
A posseder quel cuor che m'inamora,
Ghe voràve el mio afeto tributar,
4E assae felice mi sarave alora.
Ma come no me posso lusingar
D'aver mai tanto ben da una signora
Che se vede da molti a cortegiar,
8Cussì a sto mio pensier dago un dessora.
Me sento, se volèmo; del brusor,
Ma spero che nol fazza in mì magagna
11Pensando ai tanti che ghe fa l'amor.
Perchè la dona infati xe compagna
Del fogo, che perdendo va el calor
14Quando in picole bronse i lo sparpagna.
