Pagina:Collezione delle migliori opere scritte in dialetto veneziano 12.djvu/71

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


IL RITRATTO DELL'AUTORE


Nè picolo, nè grando, ma scarmeto,
     Fronte averto, ochi mori e barba folta,
     Bela coa de cavei, siben incolta,
     4Longa oto quarte, e de color bruneto;

Che in Venezian sa far qualche Soneto,
     Ma de quei da dozena e da racolta;
     Che à composto el Baracola una volta,
     8E tre o quatro Poemi in sto dialeto;

D'umor alegro, amante del chiassar,
     Colerico a le volte, ma co gnente
     11Facile da poderse mo voltar;

Pien de sincerità, che stoicamente
     De viver po ghe piase e de tratar,
     14Sora tute le cosse indiferente.
                    Del Soneto presente
     Questo, Siori, è l'autor. Dèghe un'ochiada,
     17Che l'è deposta Zambatista Bada.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/71&oldid=69730"