E la povera fiola,
Se no l'è rassegnada,
Cussì mal intrigada,
192L'è in galìa.
Donca, mia bela fia,
Vu che gavè giudizio
No fe' mai per caprizio
196Sto gran passo.
Quante per puro spasso
Ghe n'è che s'acompagna,
E po dopo le magna
200El pan pentì!
Vu no farè cussì;
Al Ciel racomandève,
E in tuto remetève,
204Al so' voler;
Sì, se volè goder
Contenta contentissima
'Na vita felicissima
208E beata.
Dona, Puta garbata,
E degna d'ogni ben,
Pensèghe suso ben
212Che v'ò avisà.
Sto passo che xe qua,
Onde no scapuzzar,
Certo convien pensar
216Prima de farlo.
