Pagina:Collezione delle migliori opere scritte in dialetto veneziano 10.djvu/96

XIV

Mi no ghe lezo Fiabe nè Gazete,
     Ghe lezo cose che al so’ Giudicato
     3Mi ghe assogeto a carte otanta sete.
Questo xe el gran Decreto del Senato
     Col qual ne l’ano mile seicento
     6E cinque l’à proibido per tuto el Stato
Qualunque sorte de possedimento
     Che o per aquisto entrasse in le Man-morte
     9Per Donazion, o sia per Testamento.
Mi no so come fora de ste Porte¹
     Possa esser nata sta Legislazion,
     12Quando che i gran contrasti co la Corte
De Roma, alora in gran fermentazion,
     No avesse tratenudo i Citadini
     15Dal proromper in gran tumultuazion,
Con pericoli esterni ed intestini
     Contro un’autorità che gera andada
     18Fuora dei naturali so’ confini.
A sto Decreto demoghe un’ochiada,
     E ghe prometo che le sentirà
     21Cosa che mai le se sarìa aspetada!

1. Si allude alla Controversia colla Corte di Roma in tempo di Paolo V, che mandò l’Interdetto contro la Repubblica per motivo del presente Decreto del Senato.