A ela, sior Segretario mio Legista,
La daga mo de man a sta Scritura
3Che vogio che ghe demo una revista,
Per mi farò un gran sforzo de natura,
(Del che peraltro no me comprometo)
6Se taserò durante la Scritura;
Ma dopo terminada, Circospeto
Sior Piero, sentirè come me cavo
9Col senso de ste Legi dal spagheto.
Donca, sior Segretario, via da bravo,
Adesso vederèmo chi de nu
12Ga la busca nei ochi e chi ga ’l travo;
Ghe n’ò vogia che mi no posso più...
La leza forte: La conservazion1
15De le sostanze... sia, la diga su.
Del corpo laico... in la propagazion
E in l’alimento de la prole. Tuto
18El so pensier xe in la generazion!
Sale cossa ch’el vol là che sia el fruto
De sto gran aparato ch’el ghe fa?
21Ch’el nervo de sto Stato sia destruto.
Vostre Zelenze ben lo vederà
- ↑ Sono le parole della Scrittura Franceschi.
