Tra el Senato e ’l Consegio? e po vorìa
66Saver da vu da dove che procede
Che rivolto el Senato ancuo el se sia
Al Mazor Serenissimo Consegio
69Per poder despogiar la Fraterìa?
Perchè ricorer a l’Augusto Segio
Del Prencipato a consultar l’oracolo
72Co la medema idea e col vanegio
De voler meter man nel Tabernacolo,
Onde, alterando el sentimento vero
75A le Legi, pretender el miracolo
De preservar unito, ileso e intiero
Un felice e sicuro vassalagio
78A l’interesse e gloria de l’Impero,
Che xe quel lume e cussì vivo ragio
De la Rason de Stato, che conduse
81El Prencipato al publico vantagio?
Queste le chiamo idee vaste e confuse
De chi pur tropo adopera gran forza
84Perchè le sia tra nu sparse e difuse;
Ma l’argomento qua me se rinforza.
In t’un secolo tanto depravà
(Pur tropo ghe n’avemo l’esperienza
3Da dove el nostro mal xe derivà!)
Una moderna e libertina scienza,
