Caligini del Caso, o sia Destin,
51Trovo che l’omo spesso se confonde
Tra la combinazion, che pol divin
Voler unire in pena d’una tal
54Qual pretesa d’alzarse oltre el confin
Presento ai sensi; e ne vien che preval
Quel eror che a le Cause secondarie
57Tuto s’atribuisse el ben e ’l mal;
E da qua nasse quele tante varie
Mutazion danose de pareri
60A le massime e legi statutarie.
Su sti principj cussì sodi e veri
E sì ben radicadi in sto Consesso,
63De sviluparghe tuti i mii pensieri
Vostre Zelenze me permeta adesso.
Per defenir la Massima de Stato
Convien prima de tuto intender ben
3Cosa sia Suditanza e Principato.
L’idea de Suditanza in nu la vien
Mossa da quela tal popolazion
6Che volontaria la se impone un fren
De Statuti e de Legi, e in streta union,
Soto un solo o più capi regolada,
9La forma da so’ posta una Nazion;
E da quel’altra idea xe in mi svegiada
