Nè degno mi sarìa del Patriziato,
Nè tra vu, Padri Augusti, de sentar,
Se ancuo no me movesse a declamar
4Contra Decreti rovinosi al Stato.
Riguardo no ghe xe, ne fin privato
Che seduga a taser, o a pur parlar,
No son qua per i Frati a perorar,
8Che no son nè Terziario nè Avocato;
Solo da Citadin vero e zelante
Sto sì grave argomento tratarò
11A tre cose nocivo e repugnante:
A la Rason de Stato, e ’l mostrarò;
Dopo, a le Legi statutarie e sante;
14Terzo, a l’Arti e al Comercio; e ’l provarò.
Nè me destacherò
Da quela Parte del sessanta sete
17Che tut’altro la intende e la comète;
Nè, se ’l me se permete,
Da la gran Religion, che xe quel perno
20Sora el qual se razira un bon Governo.
