SULLA SPADINA CHE PORTAVANO IN TESTA LE DONNE
Come Rinaldo un dì da Montalban,
E quel famoso Cavalier de Brava,
Orlando, per el mondo in cerca i andava
4D’imprese sora del poder uman,
E con Fusbesta e Durlindana in man
I eserciti più forti i sbaragiava,
E tuto quel che se ghe atraversava
8In pochi colpi i reduseva al pian;
Cussì ste nostre Done invelenade,
Nove Amazoni piene de valor,
11Co le sente certe morsegade,
Senza rispeto a rizzo, a nastro, a fior,
Le mena intorno quele acute spade
14Sin che le à vinto, e che ’l peochio muor.
