LE VERE CAUSE DELLE MORTI IMPROVVISE
Se va studiando con gran atenzion
Del morir che se fa improvisamente
La cause, e vien credudo francamente
4Che ’l bogia sia el tabaco poco bon;
Mi mo, che penso assae diversamente,
Digo in capite libri: la rason
Che a Venezia se va zo col brenton
8Un’altra la xe, e assae chiara e patente.
Peste, Peste, de la più fina e bona,
Che infeta l’aria del nostro Paese,
11Che destruze ogni sesso, ogni persona.
Per le strade, in le case, e per le chiese
Convulsa pare questa o quela Dona,
14Ma impestada la xe, l’à el mal francese.
