Pagina:Collezione delle migliori opere scritte in dialetto veneziano 10.djvu/34

Da Wikisource
Sta pagina la xe stà trascrita e rileta.
PER PARTE PRESA SU LE POMPE


Se pensa a riformar solo el privato,
     Nè del publico al ben se pensa ancora,
     Quasichè la salute de sto Stato
     4Dipenda da qualcun che va in malora!

Mi che son citadin, seben privato,
     Nè che alcun Magistrato el cul me onora,
     Un arecordo dar vogio al Senato,
     8Perchè con un Decreto el lo avalora.

A le barche pensè, pensè ai ferali?
     Al color negro, ai schieti vestimenti
     11Per far parer le done, funerali?

Dar bisogna al mazzizzo e ai fondamenti:
     Dando cariche a certi tali e quali
     14Farghe cavar bisogna prima i denti,
                    Ma, per Dio, steghe atenti;
     Co le zenzive à fato el sora osso
     17Anca cussì se magna a pi non posso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_10.djvu/34&oldid=65743"