l'amor dell'autore alla patria
Mi no son nè chietin, nè son rebèlo,
Mi son un citadin apassionà
Per veder che da qualche tempo in qua
4La povera mia Patria va in sfasselo.
Mi no dirò de questo ne de quelo,
Ma ve prego d’usarme carità
Se qualche volta andasse tropo in là
8Perchè anca el gran dolor tiol el cervelo.
Per poderme cavar de sugezion
Ò pensà de parlar nel mio dialeto
11Perchè el daga più forza a l’espression;
Che no ghe vole nè crusca nè fioreto
A un citadin che in dir la so’ opinion
14No ga che Dio e che san Marco in peto.
