Ma quel che sora tuto me despiase,
L’è veder che sia stada messa man
72In quello ch’è fondamento e base
D’ogni Governo, o sia d’ogni Republica;
Democratico overo Aristocratico,
75Anarchico, o sia Despota o Sovran!
Mi ghe confesso el vero; resto estatico
Che per uno che assae de lu presume,
78Per un che a tuti i segni xe un fanatico,
Lassèmo che s’estingua in nu quel lume
Che ne serve de scorta e de veicolo
81A la Rason de Stato e al bon costume;
E che sia esposto a un prossimo pericolo
El publico interesse, e ’l nostro nome
84Da l’estere Nazion messo in ridicolo;
E ghe sarà chi me dimanda el come?
Prima che a sta dimanda ghe risponda
Le prego acompagnarme sin al Lido,
3(Xa che me xe propizio el vento e l’onda),
Dove me par che su la spiagia un grido
Tuto a l’intorno assordi e Cielo e Mar
6De zente priva de socorso e nido.
Questa, le se la pol imaginar,
Questa xe quela tal popolazion
9Che ogni dì se soleva alimentar
