Pagina:Coletti - Poesie postume in vernacolo veneziano, Venezia, Gattinoni, 1889.pdf/53

B.       ― El cafè come lo torla? ―
C.       ― La sa ben discretamente. ―
B.       ― Via siè bon Zize, el fa un dente,
               El patisse assae ¹. ― C. ― Va ben? ―

B.       ― Come adunque ghe diseva
               Son qua sempre confinada:
               Ma vôi darme una sbrocada
               Anca mi co vien l'istà.

               Andarò da mia comare
               A Vicenza senza falo:
               E chi sa... quando so in balo,
               Che no vada anca più in là. —

C.       ― Se la va, la se diverta.
               Anca mi go el mio progeto:
               Bagni, acque, e po un viageto
               De piaser... Che ora sarà ²?

               Diese boti!.. El tempo passa
               Presto in bona compagnia. —
B.       ― La vol subito andar via?
               Che premura che la gà! —

1. Mostrandoghe el zucaro ne la cicara.
2. La varda l'orologio.