Pagina:Coletti - Poesie postume in vernacolo veneziano, Venezia, Gattinoni, 1889.pdf/50

Sta pagina la xe stà trascrita, ma la gà ancora da vegner rileta.

B. ― I ani passa. Go una vogia,
               Ma de quele proprio grande
               De vegnir da quele bande... —
C. ― Gh'è arie bone e libertà. ―

B. ― Ma el mario, la casa, i fioi,
               Me tien qua come una vechia:
               Ghe n'ò tre, sala, a la rechia,
               E uno apena deslatà, —

C. ― Povarazza! Dove xelo
               El ninin? ― B. ― Cossa? el mio toro
               La vol dir;... vien qua, tesoro ¹:
               Che bochin! che idea çivil.

               El ga apena diese mesi,
               E la varda che bel toco! ―
C. ― Eh! la burla; cussì poco? ―
B. ― Diese mesi ai sie de avril.

               El sta dreto come un fuso,
               Xe un pezzon ch'el se tien neto,
               El pronunzia tuto schieto,
               E che batola ch'el ga!

↑ Levandolo dalla cuna e carezzandolo.

[1] Levandolo dalla cuna e carezzandolo.

1