Pagina:Coletti - Poesie postume in vernacolo veneziano, Venezia, Gattinoni, 1889.pdf/48

M.      ― Vago, vago... ¹ La indovina!
               Una visita. ― B. ― A sta ora?..
B.       ― Destrigheve, via, disè. –
M.       ― Quela siora da campagna....
               No la sa? via... quela bruta...
               Siora cossa... la me agiuta... ―
B.       ― La gran stolida che sé! -
           ― Che la fusse siora Cate
               Da Possagno? ― M. ― Giusto ela.
               Ma in che aria! bagatela!
               La strascina in tera el sial!
B.       ― Dame qua quela traversa,
               Che me vesta su un pocheto...
               Giustè suso un fia quel leto...
               Portè via quel'orinal.
               Una visita a nove ore
               A l'usanza campagnola!
               Che importuna! xela sola?
               Zito, zito che la vien.
           ― Benedeta, siora Cate ². —
Cate.  ― Siora Beta, mia parona... —
B.       ― La se senta... Che çierona! —
C.       ― Anca ela la sta ben. —

1. Entrando ne la camera da la padrona.
2. Andandole incontro.