Sta pagina la xe stà trascrita, ma la gà ancora da vegner rileta.
PER NOZZE PORCIA―D'ALTAN
a San Vito nel 1836
L'occasion del matrimonio
Xe la fiera dei poeti;
Ghe vol sempre tra i confeti
Una risma de rondò.
Tuti canta, ma le arie
Pofarsbrio, xe tanto vechie
Da secar prima le rechie
E po dopo assae più in zo.
Ogni volta semo a quela,
Ghe vol versì a tuto costo,
E la voga de sto rosto
No ga più da terminar.
Sempre 'l talamo fecondo
Sempre 'l santo nodo in balo,
E Imeneo po senza falo,
E la fiaccola e l'altar.