Pagina:Attilio Turco - Sonetti Veronesi.djvu/152

FINIMOLA!

sine ― die?

Adesso che gavemo el gran contento
     De vèdar vendicà Custoza e Lissa;
     E la Bandiera nostra piantà fissa
     Sora le tori de Trieste e Trento,

Coss’è-lo, fioi, 'sto fogo, che se impissa,
     Par portarne del tuto e del spavento?
     Da ’n dò che ’l vegna¹ mai sto bruto vento
     Che no 'l vol che l’ltalia la se indrissa?

Par carità, finìmola,² da bravi,
     Ghe semo stadi massa servi e schiavi!
     E no volemo più, tornarghe ancora.

Vardèmo invesse de pensarghe sora,
     Che, fin che la discordia ne divide,
     Gh’è quei de fora, che i se ingrassa e i ride!

1. Da ’n do che 'l vegna ― da dove venga.
2. Finìmola ― finiamola;