Pagina:Attilio Turco - Sonetti Veronesi.djvu/106

EL BANDO DE LA MESA-NOTE¹

A mesa-note, cara Taresina,
     No’ gh’è santi, bisogna andar in nana!
     Me par de stranio, ma ’sta setimana
     Qualche francheto l’ò butà in musina.

Biasio, Capurso e Turco a la Galina,
     Pomarini, Masson, Stersi e Brombana²
     A protestar par gnente i se scancana,³
     Se anca i gà l’ostaria co la cusina.

A le nove de sera, el sol gh’è ancora
     Bisogna che i ghe daga i cadenassi⁴
     E, i soliti aventori, i resta fora!

Ah! Taresina mia, se te provassi,
     Che dispiasser che l’è, par quei che sera,
     Te mandi a farse benedir... la guera!

1. Detto bando è stato emanato in piena estate del 1915.
2. Le primarie osterie veronesi;
3. scancana - si trasecolavano; le osterie con cucina avevano un orario speciale;
4. che i ghe daga i cadenassi - che chiudano bottega.