Pagina:Assedio de Venezia.djvu/87

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



LXXIX.


El Leon de Samarco — quel Leon,
Che gaveva ruzà tanto lontan,
Tremar fassendo le popolazion
Movendoghe el scagoto a 'gni tiran, —

Saltà su in pì, da vero venezian
El se sente in tel sangue un simiton
Da voler far de l'Austria un sancassan
Coi denti e co le sgrinfe. El pataton

L'ongie el ghe vol tagìar; ma, furbo!, lù
Drento el le tien, pensando de 'giutarne
Tirandole, un dì, fora ancora più

Per darghe dò zatae, fioi mìi, de quele...
De quele là che porta vìa le carne
E i ossi, se no basta via la pele!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/87&oldid=61863"