Pagina:Assedio de Venezia.djvu/72

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



LXIV.


Sul ponte dei Fuseri una vecieta
A domandar la carità l'andava
Da tanti e tanti ani... una gobeta:
Ma bombe e bale no la spaventava.

Co 'na bala, passando, la fis'ciava
Su la sò testa: ― «Fis'cia, maledeta,
Che gnanca Bepo da de qua me cava,
Gnanca se 'l vien co s'ciopo e bagioleta!»

Un dì, che poco sù l'aveva fato,
Ghe casca ai pì 'na bala... una ridata
La dà senza scomporse e ― Oh, varda qua ―

La dise — «che Radeschi, ancuo, me fa
La carità, parbìo!... Grazie, patata!..»
E la porta la bala al Comitato.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/72&oldid=61848"