Pagina:Assedio de Venezia.djvu/66

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



LVIII.


Da Canaregio e Santa Luçia andai
A la Zueca i xe fra mile stenti:
A Castelo i se xe ricovarai
In te le ciese e fin nei bastimenti.

Drento i Giardini, esposti a l'aqua e ai venti,
Per strada o in barca a çento i l'à portai
Vecie e vecieti povari, cadenti
Bambini apena nati e malatai.

In palazzo ducal ga dormìo tanti
De quei, che, drento i povari tuguri,
Viveva in mezo al pocio e in mezo ai pianti.

E quei guerieri li vardava e i santi
Depenti su le tele in tuti i muri,
Disendo: — Abiè pazienza... avanti! avanti!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/66&oldid=61841"