Pagina:Assedio de Venezia.djvu/59

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



LI.


Pronto, al piazzal de Sant'Antonio un forte
Ghe va disendo — quel de San Secondo:
― Dài, che te 'giuto! ― E San Zulian, più in fondo,
A ste dò boche el ghe responde a forte.

Barufa de tre Santi, in fondo in fondo;
Ma de chi la razon?.. Vardè che sorte!
Dò xe co nù... st'altro el ne ofende a morte
Cò parole de fogo, porco mondo!

La polvare dei s'ciopi e dei canoni
San Zulian, coi scravassi opur coi venti,
Desperder ghe doveva ai patatoni.

Nol lo fa minga; e, donca, san Zulian
— Che 'l me scusa! — el ga torto... in quei momenti
El xe un santo todesco e no 'talgian!!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/59&oldid=61833"