XLII.
Passa tragheto un Ongarese e lù,
Ridendome, el me fa: — Star tua fratella
Tuta Ungaresa e per Venezia bella
Dar nostra sangua tuti quanta nù! —
Ghe digo che va ben. Ma lù: — Budella
Dare in mano a Croata o a chi per lù
Se coi patan venire a tu per tu!... —
Mi ghe respondo che va ben.. — La stella
— Lu continua — d'Italia star stellona
Che nessuno stuar, troppa brillante....
Star più bella de tutta le naziona;
E chi la tocca star molta birbante... —
Pò, in tel smontar, — no, che sarò 'na mona! —
Un ongaro el me dà novo fiamante.
