Pagina:Assedio de Venezia.djvu/37

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XXIX.


Sirtori e Rossarol, dei veri eroi,
Cosenz e Cataben, dei prodi veri,
Ghe dise a quei: — Gavete a far con noi!
E i li fa tuti quanti presonieri.

Se stai quel dì fussi a Venezia, fioi,
(E tuto questo me par nato geri!)
Che i ga portà canoni e... cossa sòi?,
Cari e bagagi tolti a quei braghieri!

A festa le campane le sonava
E 'l son de le campane el se missiava
Coi zighi de: — Viva Samarco!.... viva!.... —

Tuti in Piazzeta, in Piazza o su la Riva
Tuti quanti, co l'anema giuliva,
Come fora de nù, se se basava!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/37&oldid=61809"