Pagina:Assedio de Venezia.djvu/10

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



II.


Cascada la Repubblica, savè
Che a Venezia i franzesi xe vìgnui:
Da Napolon a l’Austria, savarè,
4Barbaramente semo stai çedui.

Ma imaginève vù se, in trentatrè
Ani che qua xe stà quei... malnassui,
No s’à sgionfà la nostra rabia e se
8Per sempre se pensavimo vendui.

Mincioni! Proprio fati i ne credeva
Come un balon de strazze da butarse
11Da uno a st’altro come ghe piaseva.

E no i gaveva, inveçe, da intagiarse
Che pensevimo, pur se se taseva,
14Note e dì sul da far per libararse!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/10&oldid=61780"