La secretezza delle Massere
Alle cinque de mattina
La Pasquetta e la Tonina,
Do servete benedete,
D'un canon manco secrete,
Sulla porta donna Catte
Le aspettava dalla latte.
Per no star cussì de bando
Le se mete ciacolando,
A dir ben de i so paroni,
Che i xe onesti, che i xe boni,
Ma che un poco i xe ristretti,
Per esempio ... tegnosetti.
Che per altro, delicate
Elle el becco no le bate,
No le parla se i le indora,
Anzi invece alla malora
Volentiera le stramanda
Chi ghe fa qualche domanda.
