DELLE OSSERVAZIONI
superstiziose del Volgo.
superstiziose del Volgo.
NO' posso haver pazienza, quando sento
Petegolar d'augurij infausti, e boni.
Se trova certi savij Salamoni,
4Che vuol predir tristo, o felice evento.
Parlo de quei, che per segnali, e casi
Predise le disgrazie, e le venture.
Discrete certo, e savie creature!
8Viste aquiline! acuti, e smonti nasi!
O che ignoranza veramente crassa!
Donca ne se puol star tredese a tola?
E perche nò? questa è una gran parola!
12Ve slarghe da la riva un poco massa.
Dov'è sta autorità? sù qual volume
Se trovela de grazia, e chi l'hà scrita?
Qual savia boca l'hà proferta, e dita?
16Fè che'l sapia anca mi: demene lume.
