Orlandino franco-veneto/12

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  XI Edission e fonte ▼
Poema apartenente a la leteratura franco-veneta del Tresento, e scrito in un smissioto tra lengua francese e veneta.
Coment Milon sposò Berte e si fo fato civaler et avec lui cento autres.


Gran fu la corte en Sotrio la cité
Por Berte e Milon qe furent reçaté,
E por R. fo l' ovra palenté,
E questo fu por le voloir de Dé;
E se non fust a cel' ora atrové435

Jamais non fust de boscho conversé.
La Mer Deo i ont ben ovré,
De pene e de tormant sont deliberé,
De tota jent i sont honoré.
Quant se partent de Sotrio la cité,440

Ver Lonbardie furent açaminé;
A R. fo un palafroi doné,
Qe unchamés non fo sor nul monté
En petit termen en fo sì costumé
Q' el çivalçava bon destrer seçorné.445

Or s' en va li rois tuto çoiant e lé.
Davant K. por le ramin feré
Vait R. sor li palafro' feltré;
Gran çoia n' oit de lui tut quant li berné;
Se çoia oit Berte or non demandé,450

Et an Milon non fo mie avilé;
Bernardo de Clermont qe l' oit ençendré,
Gran çoia en fait cun tot son berné.
Tant çivalçent a ploça et a nosé,
Pasent Toschane, en Lonbardia entré,455

Por le çità i sont seçorné,
Passent Lonbardie, en Proença est entré
E la Proençe ont oltrapasé
Tant q' i furent a Paris la cité.
Ben oit K. en ces çamin ovré,460

Conquisté oit Rome la cité
E da li pain la tera delivré;
Un altro don li oit Deo doné,
Qe un tel homo el oit reçaté
Qe falcon e guia ert de la Crestenté.465

E questo fu R. l' avoé,
Nen fu ma' hom en la Cresteneté
Qe plu de lu fust temù né doté
E da pain fust plu anomé.
Conquis Helmont, dont conquistò la spe',470

Qe Durandarda estoit clamé;
E por quela spea el fo plu anomé,
Qe nul altro homo nì rois nì amiré.
Mal ait Gaines quant oit porpensé
De un tel homo de mais far falsité;475

Mais segondo l' ovre el ne fo merité.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Orlandino_franco-veneto/12&oldid=42615"