Mesi vechi/Agosto

by Vittorio Gottardi

AGOSTO ../Lugio

../Setembre

Vittorio Gottardi

Mesi vechi

AGOSTO

1883

Edission original:	Vittorio Gottardi, Mesi vechi, Treviso, Antonio Longo, 1883
Fonte:	Indice:Vittorio Gottardi - Mesi Vechi.djvu

← Lugio

Edission e fonte ▼

Setembre  →

AGOSTO

(In Venezia)

Bele note d’Agosto! Una barcheta
Sbrissa via, senza ciasso, ne i canali
Più sconti, verdi, streti... La mareta
Fa dei zoghi de luse coi ferali,

L’acqua carezze, e basi ga l'arieta:
E da la teraferma ad intervali
Vien d'amor una dolce canzoneta
Vien ’na gran pase da le quiete cali...

Soto un balcon la barca s’è fermada,
Senza rumor... Un'anema no passa...
La bona luna ha indormenzà la strada...

Xe l’ora dei morosi. Varda!... Ascolta!
Una dona, che ama, la se sbassa,
E la dixe de no, l’ultima volta! -