La Note del Redentor

by Luigi Zan

4 La Note del Redentor
canzoneta popolar veneziana Luigi Zan Candido Radi 1894 XIX Canzonete

Indice:La Note del Redentor (1894).djvu

Luigi Zan

La Note del Redentor
canzoneta popolar veneziana

musicà da Candido Radi

1894

Edission original:	Luigi Zan, La Note del Redentor, canzoneta popolar veneziana, Venezia, Ettore Brocco, 1894
Fonte:	Indice:La Note del Redentor (1894).djvu

Edission e fonte ▼

LA NOTE DEL REDENTOR

Nina, da banda i scrupoli;
     No dirme, via, de no,
     Se compagnarte in gondola
     4Sta note mi vorò.
La note xe belissima,
     Le stele brila in çiel:
     Xe un specio l'acqua; e l’aria
     8Xe un bàlsemo, xe un miel!

_La note famosissima
     Del nostro Redentor,
     Nina, via, persuàdite,
     12Xe fata per l’amor. _

Varda che festa splendida!
     La Zueca xe un bizù;
     Tuti se sente in gringola....
     16Nina,... no posso più!
Vien qua, mia bela còcola,
     In barca vien co mi,
     Fra soni e canti e ciacole,
     20Sina che sponta el dì.

_La note famosissima
     Del nostro Redentor,
     Nina, via, persuàdite,
     24Xe fata per l’amor. _